Bashkim Fino ka mbajtur fjalimin para delegatëve të cilët pas pak do të votojnë duke u kërkuar atyre të votojnë platformën e tij dhe jo atë si Bashkim. Nuk janë suksese këto që përmendi Duka, pasi stadiumet do të ndërtoheshin, se nuk kishte si ti fshihnit fondet.
Fino: “Paskan defekt këto mikrofonat, s’paske para më duket. Gjatë muajit të fundit jam takuar me shumicën prej jush dhe kam shpalosu platformën time. Kam dëgjuar sugjerimet dhe problematikat tuaja, se si do të veprojmë për ta ngritur futbollin më lart. Sot një ditë e madh për të bërë një ndryshim të madh që do të na çojë drejt europës. Futbolli është një ambasador i shkëlqyer i vlerave tona në botë.
Unë jam sot këtu për të kërkuar votën tuaj, nuk e kërkoj votën si bashkim, por për platformën që kam. Presidenti i deritanishëm kërkon votën e vazhdimësisë 16-vjeçare kërkon që të vazhdojë të rregullojë dështimet. Futbolli shqiptar është i sëmurë, nuk ka tifozë në stadiume, infrastruktura katastrofë, besimi i humbur tek gara sjell pasojat që shohim sot. Stadiumet që janë bërë nuk janë meritë e Dukës, pasi shifrat nuk janë reale por kanë qenë detyrime për tu bëra pasi si mund të justifikohen fondet.
Z.Duka asambleja ju dha besimin ju e keqpërdorët atë. Unë premtoj të ndërtojë 5 stadiume sipas standardeve të UEFA-s dhe të ndërtoj çdo fushë sportive të bashkive. Më pak futbollistë se në vitet 90’ të regjistruar. Për klubet, do të trefishojmë investimet dhe do dyfishojmë numrin e tyre, rrjedhimisht edhe numrin e futbollistëve. Shumë vendime që merr presidenti do iu delegohen ju. Kjo do sigurojë një transparencë të munguar. Tolerancë zero ndaj trukimit të ndeshjeve.
Unë jam para jush duke kërkuar votën tuaj jo për atë që ka ndodhur, secili prej nesh ka vlerësim të ndryshëm për punën e federatës. Sot angazhohem se vetëm nëpërmjet mirë-administritimit, fondet e FSHF nuk mund të jenë për presidentin e saj, por për ju dhe për klubet.
Sporti të mos përdoret vetëm nga një individ, por nga shqiptarët. Kërkoj votën tuaj! E përshëndes fjalën e zv/presidentit. Jam dakord të mos ndërhyjnë palët e treta, ju them që ato kanë shumë ngjyrime dhe ju duhet ta dini. Pele: Suksesi nuk është rastësi, lind me më shumë punë, me më shumë këmbëngulje. Platforma jonë është ndërtuar me më shumë punë, këmbëngulje.”
