Gazetari Artan Hoxha ka nxjerrë në pah fakte mjaft të rënda në lidhje me kërcënimet sistematike që kanë marrë gazetarët në Shqipëri, duke dëshmuar për një situatë kaotike. Duke nënvizuar faktin se sulmi ndaj gazetares Klodiana Lala nuk ishte për të fituar status azilanti, ai saktësoi se bashkëshorti i saj punon në Angli dhe Klodi lë vajzat atje dhe jeton edhe vetë shumicën e kohës.
Ndonëse ka pasur disa raste të njëpasnjëshme që reporterët janë detyruar të largohen nga Shqipëria për jetesë më të mirë, ky nuk është rasti i Klodit.
Hoxha ka bërë publike edhe emra gazetarësh që janë kërcënuar me jetë. Një ndër to është Flamur Vezaj. Gjatë një interviste të dhënë në studion e larjmeve të “Report TV”, ai i mëshoi faktit se gazetarët e kronikës së zezë ndihen shpesh të kërcënuar nga krimi.
Artan Hoxha përmendi një numër të madh gazetarësh, të cilët janë kërcënuar me jetë dhe janë detyruar të largohen nga vendi. Një ndër rastet tronditëse, ishte ai i gazetarit Flamur Vezaj. Sipas Hoxhës, ai është kërcënuar me jetë, gjë që e ka detyruar të largohet nga vendi.
“Flamur Vezaj është larguar në SHBA. Kam qenë prezent kur është kërkuar mbrojtje për Flamurin. Iu vu pistoleta në kokë. Jemi para faktit që reporterët e këtij vendi kanë ikur. Ata që kanë ngelur, kanë ikur”, tha ai.
Një ditë më parë, gazetarja e “News 24” u kërcënua me anë të një sulmi mafioz, në shtëpinë e prindërve të saj, ku u qëllua me breshëri automatiku. Policia pak më herët deklaroi se ky rast po hetohej me metoda speciale.
Për këtë çështje ai tha se ka të bëjë me përgjime telefonatash të njerëzve të dyshuar, a ka pasur prezencë të tyre në atë zonë ku ndodhi sulmi. Po kështu po shikohet gjithashtu nëse ka ndonjë konflikt familjar.
