“Për 21 janarin ka prova të reja”, kështu u shpreh gazetar Artan Hoxha, i ftuar në studion e lajmeve të Ora News me gazetaren Beti Njuma.
“Nuk mendoj se serveri ka provat kryesore, por ka prova të rëndësishme për hetimin. Unë mendoj se hetimi dhe gjykimi i kësaj çështje janë bërë qëllimisht për të dëmtuar rezultatin e vërtetë të kësaj ngjarje,” deklaroi Hoxha.
Gjithashtu, gazetari investigativ u shpreh mjaft i bindur kur tha se ka prova të reja.
“Ka prova të reja. Kemi një ngjarje që dimë vetëm dy nga viktimat kush i ka vrarë. Dimë që Agim Llupo ka qëlluar mbi Ziver Veizin dhe Ndrea Prendi ka qëlluar mbi Faik Myrtajn. Ne kemi dy autorë, dhe nuk janë dy gardistë të zakonshme”, theksoi Hoxha.
