Të jesh vegjetarian nuk është aspak e lehtë. Do të thotë të mos konsumosh të gjitha llojet e mishit të kafshëve, ku përfshihet dhe peshku dhe shpendët. Por vegjetarianë konsiderohen dhe ata që nuk konsumojnë mish, por hanë nën produktet e tij si djathi, qumështi dhe veza, ndërsa veganë quhen ata të cilët ushqehen vetëm me produkte me bazë bimore. Studimet shkencore kanë treguar se të mirat shëndetësore janë më të larta, nëse ne ulim konsumimin e produkteve shtazore në ushqimin tonë, duke e bërë ushqyerjen vegane një nga më të shëndetshmet.
Studime të shumta kanë treguar të mirat e të ndjekurit një dietë vegjetariane dhe sot në të gjithë botën numërohen rreth 375 milion vegjetarianë, ndërkohë që në Evropë, vegjetarianët përbëjnë 10 përqind të popullsisë.
Në Shqipëri numri i njerëzve që kanë lënë mishin për të gjelbrat është rritur në mënyrë të ndjeshme, edhe pse nuk ka një statistikë të saktë nga Instituti i Shëndetit Publik. Por fakt është që në vendin tonë, gjithnjë e më shumë njerëz po zgjedhin të jenë vegjetarianë ose veganë, duke bërë që numri i njerëzve që nuk konsumojnë mish të rritet.
Po cilat janë përfitimet e të qenit vegjetarian?
Lufton sëmundjet e zemrës dhe ul presionin e gjakut
Ushqyerja vegjetariane ndihmon direkt në sëmundjet e zemrës. Produktet shtazore janë burimi kryesor i yndyrave të ngopura dhe i vetmi burim i kolesterolit në ushqim. Kur njerëzit nisin të ndjekin një ushqyerje me fibra të larta dhe me pak yndyra niveli i tyre i kolesterolit bie në mënyrë drastike.
Parandalon kancerin
Të ushqyerit vegjetarian duke qenë se ka shumë pak yndyra të ngopura dhe është i pasur me fibra dhe i mbushur me substance fitokimike ndihmon në parandalimin e kancerit. Studime relativisht të thella të kryera në Angli dhe Gjermani kanë treguar se vegjetarianët kanë 40% më pak mundësi për t’u sëmurur nga kanceri në krahasim me njerëzit që konsumojnë mish.
Parandalon dhe eliminon diabetin
Diabeti mund të kontrollohet më mirë dhe madje mund të eliminohet përmes një ushqimi vegjetarian me pak yndyra i kombinuar me aktivitet fizik. Një dietë e tillë, me pak yndyra dhe me shumë fibra dhe karbohidrate komplekse bën të mundur që insulina të veprojë më me efikasitet.
Gurët në tëmth, gurët në veshka, dhe Osteoporozën
Ushqimet vegjetariane kanë treguar se zvogëlojnë shanset për të të formuar gurë në veshka dhe gurë në tëmth. Dietat që janë të larta në proteina, sidomos proteina shtazore, kanë tendencë të shkaktojë në trup reaksionin e nxjerrjes së më shumë kalcium, oksalate përmes urinës. Këto substanca janë komponentët kryesorë të gurëve në traktit urinar.
Azma
Një studim suedez i kryer në vitin 1985 ka treguar se individët që vuanin nga azma dhe që për një vit u ushqyen me një dietë vegane patën një ulje të konsiderueshme në marjen e medikamenteve dhe në uljen e krizave të azmës. 22 nga nga 24 personat që u morën në studim patën përmirësim deri në fund të vitit.
