Këngëtarja me famë botërore, Rita Ora surprizoi fansat mbrëmë, teksa performoi vallen e Rugovës.
Por, gjatë transmetimit drejtpërdrejt të koncertit që ajo po mbante në kuadër të 10-vjetorit të Pavarësisë së Kosovës, RTK e ka ndërprerë atë, pikërisht kur nisi të luhej vallja në fjalë.
Në momentin që ora ka shënuar 22:00, Televizioni Publik e ka ndërprerë transmetimin e koncertit për t’i transmetuar lajmet e orës 22:00, gjë që u komentua shumë dhe u cilësua si një veprim aspak i drejtë.
Lorik Arifaj, redaktor përgjegjës ka dhënë një sqarim se përse ka ndodhur kjo. Në një postim në Facebook, Arifaj ka treguar se RTK ka pasur të drejtë të transmetojë vetëm dy këngë të Rita Orës. Mirëpo, KTV ka transmetuar thuajse të gjithë koncertin.
Ky është njoftimi i plotë i tij në Facebook:
Te nderuar po e shoh se perkunder paralajmerimeve ne RTK se kemi siguruar te drejten vetem te dy kengeve te Rita Ores, njerez te pa informuar dhe qellimkeqinj po mundohen me shpifje ta njollosin RTK-ne. Rita Ora ka kontrate ne Kompanine ËARNER.
Si e tille nuk ka te drejte qe te kendoje dhe kenget e saj te transmetohen ku te do sepse ka marreveshje per te drejtat e autorit. Para se te merreni me shpifje lexoni ligjin per te drejtat e autorit e poashti edhe lexoni per gjobat qe mund te pasojne ne rast se shkelet marreveshja.
RTK bashke me Kompanine AMC ka arritur marreveshje me shkrim me ËARNER per keto 2 kenge te cilat ËARNER nuk ka lejuar te transmetohen as ne satelit, as ne Youtube e as ne rrjetet sociale por vetem ne territorin e Kosoves (Free To Air).
Po ua bashkangjes komunikimin e fundit me email.
P.S. RTK dhe AMC posedojne kontrate me shkrim per transmetimin e sontem andaj cdo transmetim tjeter televiziv eshte bere ilegalisht andaj ata qe e bene i dijne pasojat dhe dote ballafaqohen me to.
