Drejtori i Zonave të Mbrojtura në Lezhë, Pjetër Toni, si dhe tre inspektorë janë vënë në pranga. Prokuroria ka lëshuar urdhër arresti, pasi në zonën e mbrojtur të Vainit prej disa javësh po hidheshin inerte.
Rasti u denoncua në një emision investigativ, i cili ishte edhe shkak i nisjes së hetimeve. Policia ende nuk ka reaguar, pasi aksioni është në vijim e sipër. Prej disa javësh, Prokuroria e Lezhës ka hetuar hedhjen e inerteve në mënyrë të paligjshme në zonën Kune-Vain, pas denoncimit në një emision investigativ.
Ndaj tyre është vendosur masa e sigurisë “arrest me burg” nga Gjykata e Lezhës, me kërkesë të Prokurorisë, pas një hetimi disa javor, për hedhjen e inerteve në mënyrë të paligjshme dhe tjetërsimin e pronave në zonën e mbrojtur të lagunës Kune-Vain.
