Ish-ministri i Punëve të Brendshme të Maqedonisë, Mitko Çavkov është arrestuar në orët e para të mëngjesit të sotëm. Mësohet se Çavkov ballafaqohet me akuzat për mosndërhyrje gjatë dhunës në Kuvend më 27 prill, kur përkrahësit e VMRO-së sulmuan deputetët dhe gazetarët.
Për dy orë me radhë, Çavkov nuk dha urdhër për ndërhyrjen e policisë, duke vënë në rrezik jetën e deputetëve dhe të gazetarëve. Megjithatë, ministria e Punëve të Brendshme është shprehur se detaje të reja do të dalin gjatë ditës lidhur me arrestimin e ish-ministrit.
Çavkov për momentin ndodhet në Gjykatën Penale para gjykatësit për procedurë paraprake. Mësohet se policia maqedonase ka arrestuar rreth 15 persona te tjerë, të cilët ishin pjesë e dhunës në Kuvend, më 27 prill.
