Ron Rockwell Hansen, është ish-agjent i shërbimit sekret ushtarak të SHBA-së, por sot është arrestuar nga FBI me akuzën se po spiunonte për llogari të Kinës.
Hansen u arrestua ndërsa po hipte në një avion në aeroportin e Seattle, ku ishte drejtuar për në Kinë.
Departamenti i Drejtësisë së SHBA-së e akuzon agjentin se ka marrë 800 mijë dollarë nga Pekini për të transferuar informacione mbi mbrojtjen inteligjente të ushtrisë amerikane.
Hetimet po zhvillohen në sekret të plotë dhe deri tani nuk ka pasur deklaratë nga Pekini zyrtar.
