Tre shqiptarë janë arrestuar nga policia italiane në Ragusa, pasi u kapën me kanabis dhe kokainë. Mediat italiane bëjnë me dije se shqiptarëve iu gjet e sekuestrua 50 kg kanabis dhe gati 1 kg kokainë.
Mësohet se në pranga janë vënë shtetasit shqiptarë Pandeli Prifti, Lulzim Ndreu dhe Kujtim Rrapushi.
Sipas policisë, një nga shqiptarët e arrestuar mësohet se ishte në kërkim, pasi ishte dënuar nga gjykata me 3 vjet burg.
Duke tentuar t’i shmangeshin kontrolleve ai përdorte një kartë identiteti false me emrin e një greku. Shqiptarët janë dërguar në paraburgim, ndërsa policia ka nisur hetimet për të zbuluar nëse ka persona të tjerë të përfshirë dhe cili ishte destinacioni i drogës.
