Pas deklaratave të ambasadorit Donald Lu ditën e djeshme në prezantimin e operacionit “Fuqia e Ligjit”, ka reaguar duke ironizuar ish-ministri i Drejtësisë Ylli Manjani. Manjani nëpërmjet një postimi në ‘Facebook’ shkruan se urdhri për peshk të madh u dha, qoftë i gjallë apo i ngordhur, por problemi qëndron tek ata që nuk dinë të peshkojnë.
Postimi i plotë: Urdhëri për peshk u dha! Peshk i madh, i vogël, i ngordhur apo i gjallë çtë jetë! Urdhri u dha! Po me copat e mishit me dy sy si do i bëhet! Ata që do zbatojnë urdhërin e sdinë as të peshkojnë e as të gjuajnë?! Ata janë as mish e as peshk! Ndërkohë, Rilindja ofron hashash. Bën mirë për shëndetin mendor dhe harresën e halleve…
