Finalizohet me sukses një operacion i trafikut të drogës ndërmjet Sicilisë dhe Shqipërisë. Operacioni i ashtuquajtur “Trëndafili i erërave” i kryer nga policia e Catanias, solli arrestimin e më shumë se 20 personave nga të cilët tre shqiptarë. Grupi i shqiptarëve ishte i formuar nga Moisi Habilaj, 39 vjeç, organizatori kryesor i trafikut dhe bashkëpunëtorët e tij Maridian Sulaj, 29 vjeç, dhe Fatmir Minaj. Për këta të arrestuar do të kërkohet ekstradim.
Dy vite më partë më 5 tetor të viti 2015, kreu i departamentit të Sigurisë në PD, Enkelejd Alibeaj denoncoi lidhjet e Tahiriti me kushëririn e tij Moisi Habilaj.
“Kushërinjtë e Saimir Tahirit, Habilajt që hetoheshin për trafik droge, dhe që policia i njeh mirë për aktivitetin e tyre në Vlorë e më gjerë, po vazhdojnë të forcojnë lidhjet me pikat kyçe të kalimit të narkotikëve. Kemi këtu, Moisi Habilajn, kushëriri i preferuar i Tahirit, në një lidhje të ngushtë bashkëpunimi me kreun e policisë kufitare në Dhërmi. Pikërisht në Dhërmi, aty ku sipas dëshmisë së oficerit të lartë të antidrogës Zagani, banda e drogës magazinon mallin dhe e bën gati për ta nisur në Itali. Por siç dëshmojnë këto foto, kreu i policisë kufitare në Dhërmi, Sokol Bode, nuk ka prioritet hetimin e trafikut të drogës sepse në fakt është vënë në shërbim të tyre. Ja tek festojnë së bashku kreu i kufirit të Dhërmiut me Habilajt, arritjet në biznesin kriminal. Dolli pa fund për drogën dhe për shefin e madh në Tiranë. Oficeri Bode e ka marrë mesazhin” thuhet në deklaratën e Alibeajt rreth dy vite më parë.
Ndërsa, sot, kryetari i opozitës, Lulzim Basha përmes një statusi në “Facebook” thotë personi që lëvizte në makinën e ish- ministrit të Brendshëm Saimir Tahiri të denoncuar edhe më herët nga opozita.
Fotoja e Moisi Habilajt, të cilit i referohet kryedemokrati u publikua sot nga mediat italiane si një nga të 11 pjesëtarët e bandës të arrestuar në Catania, të cilët akuzohen për trafik ndërkombëtar droge dhe armësh. Sipas mediave italiane, vitet e fundit banda kishte transportuar nga Shqipëria në Itali rreth 3.5 ton marijuanë, e cila në disa raste është sekuestruar gjatë dërgesave.
STATUSI I PLOTE
Policia italiane arrestoi sot kreun e nje grupi te trafikut te droges nga Shqiperia, Moisi Habilaj. Partia Demokratike ka denoncuar per 4 vite lidhjen e qeverise me kete klan, lidhjen e afert te Tahirit me kete bande. Audi i famshem i ministrit, perdorej pikerisht nga ky qe sot u arrestua ne Itali. Edi Rama arrestoi Dritan Zaganin, oficerin e policise qe e denoncoi kete lidhje dhe sulmoi opoziten pareshtur. Po sot cfare do te thote? Vetem ngarkesa e kapur prej policise italiane vlen 20 milione euro. Po ne 4 vite, sa para qarkulloi narkomafia me mbeshtetjen e Tahirit dhe mbrojtjen e Rames??? Kjo eshte mafia dhe keto jane lidhjet e saj me Edi Ramen!
