Arnautoviç “fundos” Conten, kampionati i pamundur

Chelsea i Antonio Contes ka pësuar në disfatë mjaft të rëndë në Stadiumin Olimpik të Londrës, në derbin përballë West Ham. Është Arnautovic njeriu i ndeshjes, pasi një gjuajtje e saktë u bë në portë në minutën e 6’ që tundi rrjetën e Courtois, rezultoi vendimtare për fatin e takimit. Edhe pse kishte thuajse 90 minuta në dispozicion (me gjithë shtesën) për të kthyer rezultatin, ekipi i Contes nuk arriti ta shmangte humbjen. Futbollistët e West Hamit bënë gjithçka për të mos pësuar gol, madje edhe me lojë të ashpër, aq sa 6 futbollistë vendas u ndëshkuan me kartonë të verdhë. Më këtë disfatë “blutë” e Londrës humbin terren ndaj kryesuesve të Manchesterit, që kanë përplasjen direkte mes tyre.

Në pjesën e dytë Conte ndërhyn duke futur në fushë më tepër forca sulmuese me Pedro dhe Willian por West Ham zbret akoma më mbrapa duke mos lejuar Blutë të krijojnë. Me kalimin e minutave lojtarët e Chelesa-t nervozohen dhe bëjnë shumë gabime në pasimin e fundit. Dy mundësi të pastra vijnë në minutën e 83’ dhe 85’ me Morata dhe Hazard por të dy godasin jashtë portës.