Armando Sadiku po pret me padurim që të marrë fund izolimi në shtëpi dhe t’i kthehet jetës normale. Dhe ashtu si shumë shqiptarë të tjerë, sapo t’i jepet mundësia, do të shkojë të pijë një kafe i qetë në lokal.
Sulmuesi e ka treguar vetë në një intervistë që ka bërë së fundmi në Spanjë, kur e pyetën se çfarë do të bënte sapo të mbaronte ky qëndrim i detyruar në shtëpi. “Si fillim do të dal të filloj të vrapoj derisa të mundem, në mënyrë që të thith ajrin e detit, pasi jetoj pranë detit. Dhe më pas do të shkoj të pi një kafe, pasi ia ndjej shumë mungesën”, ishin fjalët e sulmuesit shqiptar.
Në intervistën e tij Sadiku la të kuptohet përsëri se po mendon seriozisht që të kërkojë qëndrimin te Malaga, ku është huazuar nga Levante. “Kam ende shumë për të dhënë për Malagan”, siguroi sulmuesi i cili është futbollisti kryesor i repartit të avancuar të klubit të La Liga 2.
