Projekti i ri i ndërtesës së Teatrit Kombëtar ka si autor arkitektin danez, Bjarke Ingels. Ai është themelues dhe partner i studios projektuese “Bjarke Ingels Group”. Projektuesi danez dallohet për karakteristikën e tij, e cila bazohet në koncepte sociale për stilin e arkitekturës.
Kjo studio është e njohur në Shqipëri më parë pasi në maj të vitit 2011 përmes një filmi të shkurtër, kjo studio tregon se ka fituar projektin për ndërtimin e një qendre kulturore në qendër të Tiranës.
Në faqen e filmit “Dezeen Screen” është një film nga “Bjarke Ingels Group” i cili shpjegon dizajnin për një xhami, të fituar përmes konkurrencës dhe është qendër islamike dhe muze në Tiranë. 
Por ky projekt do të synonte të bënte ndërtimin e një xhamie, e cila do të ishte e shoqëruar me kulla të larta.Ky plan i është hedhur poshtë nga kreu i PD-së Lulzim Basha, pak ditë para zgjedhjeve të vitit 2011, pasi xhamia sot mund të ishte me kulla. 
Kështu kreu i bashkisë së Tiranës në atë kohë, Basha ka deklaruar se po diskutohet me grupet e interesit në lidhje me këtë projekt. Pas diskutimeve, projekti i studios daneze u hodh poshtë dhe sot kemi ndërtimin e xhamisë që nuk ë shtë e shoqëruar me kullë.
Duket se ai ka një afrimitet të madh me kryeministrin Edi Rama. Arkitekti danez dhe studioja e tij, ka ndërtuar shumë ndërtesa të larta dhe kulla shumëkatëshe.
Studioja projektuese e danezit numëron një staf prej 400 personash, të cilët funksionojnë si një skuadër e tërë. Arkitekti ka ndërtuar një mori objektesh që i kanë dhënë njohje dhe emër në botë për punën e kryer.Duket se Shqipëria për arkitektin dhe projektuesin e godinës së teatrit, nuk është një histori e re, por tratativa për biznes ka patur para 6-7 vitesh.Arkitekti Bjarke Ingels ka projektuar “Two World Trade Center” në Nju Jork. Kjo në vitin 2017 ai dhe kompania e tij ishte në qendër të një dokumentari të quajtur “Big Time”.
Gjithashtu midis punëve të shumta është dhe kompleksi i ri i zyrave të Google, por edhe Eurocity në Francë. Në vitin 2011, gazeta e madhe ekonomike amerikane “Wall Street Journal” e vlerësoi Ingelsin si “Inovatori i Vitit” për arkitekturën, ndërkohë që “Time Magazine” në vitin 2013 e përfshiu atë në “100 njerëzit më me influencë”.
Ajo që bie në sy është fitimi i shumë çmimeve ndërkombëtare për punën e kryer. Një ndër veprat më të bukura pritet që të jetë edhe ndërtimi i stadiumit të Barcelonës, dizenjimi i të cilit është besuar pikërisht Bjarke Ingels Group. 
Stadiumi “Camp Nou” i ri , është konceptuar që të ruajë vlerat e arkitekturës së stadiumit historik, ku ndërthuret kultura tradicionale dhe bashkëkohore katalanase, ndërkohë që do të integrohet mjaft bukur edhe me hapësirat e reja. Të gjitha sa parashtruam më sipër tregojnë qartë se ky njeri ka ndërtuar ndërtesa të larta dhe me një shtrirje në pjesën më të madhe të botës. TIRANA TODAY
