E tmerrshme ajo që i ka ndodhur një familje në Kanada. Një ari ka vrarë një grua dhe të bijën 10 muajshe, pranë shtëpisë. Tragjedia ndodhi të hënën në një zonë të largët të provincës Yukon të Kanadasë, njoftoi media duke cituar një njoftim për shtyp nga policia lokale.
Gjermund Roesholt, babai i vajzës së vogël, aktivizoi një fener alarmi pasi gjeti partneren e tij 37-vjeçare Valérie Théorêt dhe vajzën e tyre 10-muajshe Adele të vdekur.
Roesholt u tha autoriteteve se kur ai u kthye në kabinën e familjes rreth orës 15:00, ai u përball dhe vrau një ari rreth 100 metra larg banesës, e më pas shkoi për të kërkuar Valérie dhe Adele.
Por ishte e tmerrshme, pasi ai i gjeti të dyja të vdekura dhe mesa duket ishte e njëjta kafshë e egër që ai sapo kishte qëlluar që i vrau ato. Familja kishte vetëm tre muaj që ishte transferuar në atë zonë.
“Ishte shkatërruese. Unë thjesht nuk mund të besoja në fillim,” tha Verena Koenig, mike e Valérie për CTV Vancouver. “Ajo ishte plot dashuri dhe mahnitëse. Ajo ishte aq e lumtur që u bë nënë dhe kishte një fëmijë.”
Brian Melanson, një banor i zonës tha se i gjithë komuniteti lokal është goditur nga kjo tragjedi.
“Ne shkojmë gjithmonë atje, marrim gratë dhe fëmijët tanë, ne jetojmë atje, tani nuk jemi më të sigurt” i tha ai CBC News. TIRANA TODAY
