Përfundimi i historisë 1 vjeçare midis Arilind Ajetit dhe Torinos është thuajse i sigurt dhe pritet vetëm hapja e merkatos së transferimeve për ta zyrtarizuar.
Pas dëmtimeve të tij të njëpasnjëshme dhe një periudhe të gjatë jashtë fushe ai ka qenë i pafatë në Serinë A me ekipin e Torinos.
Sipas medieve italiane, por edhe sajteve informative të ndryshme në Gjermani, Fraiburgu është duke punuar në avancë për një ofertë konkrete në adresë të mbrojtësit kuqezi.
Sipas njoftimeve në mediet pranë skuadrës së Torinos, bëhet fjalë për një ofertë prej dy milionë eurosh që skuadra e Bundesligës Gjermane është e gatshme të ofrojë për shërbimet e Ajetit.
Ai do të gjejë në këtë skuadër mikpritjen e shokut të skuadrës në Kombëtare, Amir Abrashit. Dyshja e shqiptarëve do të nisnin punën së bashku për të luajtur në Europa Ligë.
