UEFA ka publikuar emrat e stadiumeve kandidatë që dëshirojnë të mirëpresin organizimin e finales së Super Kupës UEFA, për edicionin e vitit 2020. Në krye të kësaj liste, e favorizuar nga rendi alfabetik qëndron kandidimi i FSHF-së, për të organizuar këtë finale madhështore në stadiumin “Arena Kombëtare”. Kujtojmë që në vit më parë kjo ndeshje është zhvilluar në Maqedoni, ku zbritën gjigantët e futbollit europian, Real Madrid dhe Manchester United.
FSHF ka kandiduar edhe një vit më parë, por nuk u përzgjodh dhe këtë herë do të jetë në garë me shteteve të tjera kandidate, Bjellorusia, Finlanda, Franca, Izraeli, Kazakistani, Moldavia, Irlanda e Veriut dhe Portugalia. Federatat të cilat mirëpresin ndeshje nga Kompeticionet e UEFA 2020 nuk kanë qenë të vlefshme për tu kandiduar. Komiteti Ekzekutiv i UEFA do të përzgjedhë stadiumin fitues, që do të mirëpresë finalen e Superkupës së Europës 2020 brenda muajit maj 2018.
Nëntë federatat që kanë paraqitur interesimin në UEFA janë:
1-Shqipëria, Tiranë, “Arena Kombëtare”
2-Bjellorusia, Minsk, “Dinamo Stadium”
3-Finlandë, Helsinki, “Helsinki Olympic Stadium”
4-Francë, Nice, “Grand Stade de Nice”
5-Izrael, Haifa, “Sami Ofer”
6-Kazakistan, Almaty, “Almaty Central Stadium”
7-Moldovia, Chisinau, “Zimbru Stadium”
8-Irlanda e Veriut, Belfast, “National Football Stadium” në Windsor Park
9-Portugali, Porto, “Dragão Stadium”
