Rusia eliminoi Spanjën pas ekzekutimit të penalltive dhe tashmë iberikët i bashkohen Gjermanisë, Argjentinës dhe Portugalisë. Por ky eliminim pritet të ketë shumë polemika, për atë tërheqje në zonë në minutat e fundit të shtesës së dytë në zonën ruse ndaj Sergio Ramos.
Edhe pse arbitri Kuiper kontaktoi me asistentët e VAR, vendosi që të mos e shikonte vetë rastin. Tërheqja në zonë ndaj Ramosit ekzistonte, dhe ishte pikërisht ai që mund të godiste në atë moment, pasi topi po shkonte drejt tij. Një moment mjaft i dyshimtë që në mendjen e tifozëve spanjollë do të mbahet mend gjatë.
