Arbëreshët kanë ardhur për herë të parë në Krujë, për të festuar 550-vjetorin e fitores së Skënderbeut.
Manifestimi mban emrin “Vallja e Fitores” dhe këtë festë, arbëreshët e kanë praktikuar për më shumë se 5 shekuj pas shpërnguljes në Itali, në çdo 24 prill.
Aktiviteti është mundësuar nga shoqata “Foleja kombëtare” e drejtuar nga Elida Jorgoni, e cila ka shprehur dëshirën që vallja arbëreshe e fitores të kthehet në një traditë të përvitshme edhe në Shqipëri, shkruan gazeta Dita.
Pas programit artistik, arbëreshët vizituan varrin e heroit kombëtar, Gjergj Kastrioti Skënderbeu, si dhe shprehën lumturinë që ndjenin për ardhjen e tyre në Shqipëri.
“Jemi shumë të lumtur që sot takohemi me vëllezërit që kemi matanë Adriatikut. Ardhja jonë këtu bëhet më qëllim që të ngremë ura komunikimi, mes njerëzve dhe mes kulturave. Këto ura duhet të ngrihen që edhe ju të vini tek ne. Ndihem shumë i lumtur, ndihem si në shtëpinë time”, tha Noe Andreano, kryetar i komunës Pulia.
