Arben Ristani: Të mos bashkëjetojmë me ata që shiten dhe bëjnë pazare

Rrjedhja e votave nga Partia Demokratike për zgjedhjen e Gramoz Ruçit kryetar Parlamenti ka sjellë reagimin e disa prej funksionarëve të kësaj partie.
Sekretari i Përgjithshëm i Partisë Demokratike, Arben Ristani nëpërmjet një statusi në rrjetin social “Facebook” tha se zgjedhjen e Ruçit e quan “njollë turpi e parlamentit dhe përdhosje e gjakut të të përndjekurve politikë”.
Ristani gjithashtu shkruan se “nëse votat janë manipuluar apo blerë” kjo është diçka që duhet faktuar.
“Nëse deputetet tanë, qofshin këta edhe aleatë, shiten si në pazar, ne nuk mund dhe nuk duhet të bashkëjetojmë me ta,” shkruan sekretari i PD.
Statusi i plotë i Arben Ristanit
Zgjedhja e Gramoz Rucit ne krye te Kuvendit eshte njolla e turpit e Parlamentit dhe perdhosje e gjakut te te perndjekurve politike, e gjakut te Arben Brocit, Bujar Bishanakut, Nazmi Kryeziut dhe Besnik Ceres.
Per me teper, shume e turpshme ishte edhe ajo qe ndodhi me ato vota te opozites qe shkuan ne favor te Rucit.
U manipuluan apo u blene?!Kjo eshte nje pyetje qe kerkon pergjigje te faktuar.
Besoj se do ishte me vend te diskutohej kjo ceshtje ne forumet e PD dhe te kerkohej menjehere rinumerimi i fleteve te votimit, hetim i specializuar i ceshtjes dhe kontrolli i kamerave te parlamentit dhe mediave.
Nese votat manipulohen brenda Parlamentit, ky eshte fundi i demokracise dhe duhet vendosur se cfare duhet bere me kete Parlament.
Nese deputetet tane, qofshin keta edhe aleate, shiten si ne pazar, ne nuk mund dhe nuk duhet te bashkejetojme me ta.
Eshte e domosdoshme te perpunojme rregulla per te kufizuar dhe eleminuar tregun e shit-blerjes se deputeteve. Opozita moralin dhe besimin ka kuaj beteje.