Kanë dalë detaje të reja nga mbledhja e kryesisë së Partisë Demokratike. Mësohet se i larguari nga PD-ja, Arben Imami nuk ka pranuar të jetë pjesë e grupit të punës, që përmes së cilit kërkohet rimëkëmbja dhe fuqizimi i Partisë Demokratike.
“Nuk jam për grup pune, vendos dikë tjetër në vendim tim”-ka thënë Imami. Basha propozoi ish-ministrin e Mbrojtjes, Arben Imamin për te grupi i punës për ndryshimet statutore, por siç duket kjo nuk do të ndodhë.
“Propozimi për thirrjen e Kuvendit, është krejtësisht e papranueshme. Kjo parti ka nevojë për një diskutim serioz dhe të thellë. Që nga zgjedhjet, sipas sondazheve Basha dhe partia janë në rënie.Unë s’jam larguar nga PD, por jam brenda kësaj partie. Thelbi i çështjes është ky. Unë nuk përfaqësoj askënd në këtë parti. Unë përfaqësoj vetën time”-tha për mediat Imami.
Përpjekjet e Bashës, duket se janë të kota për të rikthyer të larguarit nga ai vetë. Kujtojmë se vetë Basha la jashtë listës për deputetë figura me kontribut historik në PD. Disa të larguar nga PD-ja janë, Astrit Patozi, Jozefina Topalli, Ridvan Bode etj.
