Gazetari Jamal Khashoggi u vra pas një përleshje në konsullatën saudite në Stamboll. Kështu raporton televizioni shtetëror i vendit duke cituar një hetim fillestar.
Kjo është hera e parë që mbretëria ka pranuar se gazetari Khashoggi ka vdekur. Pranimi vjen pas dy javësh mohimesh që Arabia Saudite të kishte ndonjë përfshirje në zhdukjen e kritikut të shquar saudit kur hyri në konsullatën në Stamboll më 2 tetor për të kërkuar dokumente për martesën e tij të ardhshme.
Mbretëria Saudite ishte nën presion të madh për të shpjeguar zhdukjen e Khashoggi pasi zyrtarët turq thanë se ai ishte vrarë qëllimisht brenda konsullatës dhe trupi i tij u shpërbë.
Prokurori publik i Arabisë Saudite tha në një deklaratë se pati një sherr mes Khashoggit, që përfundoi me vdekjen e tij. Hetimet janë ende në proces dhe 18 shtetas janë arrestuar. Autoritetet saudite duhet të japin dëshmi për mbështetjen e versionit të ngjarjes.
Media shtetërore tha se mbreti saudit Salman kishte urdhëruar shkarkimin e dy zyrtarëve të lartë./ TIRANA TODAY
