Kompania Apple ka dhënë alarmin, teksa ka pranuar se të gjithë i Phone-t, iPad-ët dhe kompjuterat Mac janë të prekur nga një problem i mikroçipit, gjë që u mundëson hakerave të ndërhyjnë në këto pajisje.
Viruset “Metldown” dhe “Spectre”, të cilat u zbuluan këtë javë, ndikojnë në çdo pajisje që drejton sistemet operative të iOS dhe macOS të kompanisë, si dhe Apple TV.
Kjo do të thotë se pajisjet Apple janë potencialisht të prekshme ndaj hakerëve duke përdorur softuer me qëllime dashakeqëse për të vjedhur të dhëna të ndjeshme, si fjalëkalime ose fotografi private.
Thuhet se i pari nga dy viruset, “Meltdown”, ishte zgjidhur pjesërisht nga përditësimet e softuerit të dhjetorit dhe se nuk kishte parë ndonjë provë të kriminelëve kibernetikë që shfrytëzonin këtë të metë. Virusi tjetër, “Spektri”, i cili ndikon në mikroçipët që përdor iPhone dhe iPad, është më i vështirë për t’u mbrojtur.
Apple e sheh sigurinë e kompjuterëve dhe telefonave të saj si një avantazh i madh.
Lukasz Olejnik, një konsulent dhe hulumtues i pavarur i sigurisë dhe privatësisë, tha se rreziku më i madh për përdoruesit e Apple mund të vijë përmes faqeve të dëmshme duke përdorur JavaScript, një gjuhë programimi që përdoret për të rendur tek reklamat në internet dhe aplikacione të tjera.
Apple tha se do të prezantojë një program përditësues në Safari, për të mbrojtur përdoruesit kundër virusit Specter. TIRANA TODAY
