Në Ditën Botërore për Zhdukjen e Skllavërisë, presidenti Ilir Meta ka lëshuar një apel të fortë, për t’i dhënë fund kësaj plage të shoqërisë.
Meta shkruan në një reagim në Facebook se viktimat e skllavërisë moderne duhet të mbështeten dhe rehabilitohen e jo të trajtohen si shifra në raporte.
“Në Ditën Botërore për Zhdukjen e Skllavërisë apeloj fort për të menduar për mbështetjen dhe rehabilitimin e viktimave të skllavërisë moderne, të cilët janë njerëz dhe nuk meritojnë të trajtohen si shifra nëpër raporte. Fund plagës së skllavërisë moderne që shkatërron jetë, familje e shoqërinë dhe ushqen krimin e organizuar në kurriz të stabilitetit, sigurisë e sundimit të ligjit”, shkruan Meta.
