Update/Presidenti i Kosovës, Hashim Thaçi dhe ai i Serbisë, Aleksandar Vuçiç nuk do të takohen sot në Bruksel në takimin trepalësh me shefen e diplomacisë evropiane, Federica Mogherini. Lajmin e ka bërë të ditur Marko Gjuriç, shefi i Zyrës Serbe për Kosovën.
Mosrealizimin e këtij takimi e ka raportuar edhe televizioni serb “RTS”.
Presidenti serb Aleksandar Vuçiç në Bruksel do të bisedojë vetëm me përfaqësuesit evropian, por jo edhe me presidentin e Kosovës Hashim Thaçin,ka njoftuar edhe ky medium. Sipas tyre Vuçiç ka refuzuar ta takojë Thaçin.
Takimi në Bruksel me Vuçiç, Thaçi bën paralajmërimin e fortë
Presidenti Hashim Thaçi, ka folur para mediave në Bruksel, pak kohë para se të nis takimin me homologun e tij serb Aleksandar Vuçiç në kuadër të bisedimeve Kosovë-Serbi.
Thaçi ka deklaruar se Kosova po hyn në një fazë të re të dialogut i cili sipas tij pritet të shënojë progres sikurse për popullin serbë ashtu edhe për popullin e Kosovës dhe gjithë rajonin, njofton Klan Kosova.
“Po hyjmë në një fazë të re të dialogut mes Kosovës e Serbisë. Për të arritur një marrëveshje përfundimtare obligative. Ky dialog besoj do të shënojë një progres edhe për Serbinë, për popullin tonë dhe për rajonin. Jam i vetëdijshëm që do të kemi pengesa por edhe vështirësi të mëdha por ja vlen për të punuar që të shënojmë progres. E ritheksoj ky dialog dhe marrëveshja përfundimtare, ka kuptim vetëm atëherë kur të ndodhë njohja reciproke mes Kosovës e Serbisë që nënkupton anëtarësimin e Kosovës në Kombet e Bashkuara si dhe fitimin e njohjeve globale”, ishte kjo deklarata e Thaçit.
Sytë nga Brukseli, Thaçi e Vuçiç do diskutojnë për kufijtë
Presidenti i Serbisë dhe i Kosovës do të diskutojnë sot për mundësinë e shkëmbimit të territoreve. Kjo është një teme tabu, e cila mund të çojë në pasoja të pallogaritshme.
Në kaosin e botës, ka disa parime si pacenueshmëria e kufijve. Por prekja e kufijve mund të çojën në hapjen e kutisë në e Pandorës në Ballkan.
Dy liderët, Hashim Thaçci dhe Aleksandër Vuçiç do të takohen në Bruksel për të biseduar për atë që ata e quajnë me modesti “rregullim kufitar”. Pakti përfshin shkëmbimin e dy zonave kufitare.
Amerikanët janë ende në timon. Komisioni Evropian po tejkalon optimizmin. Vuçiç i Serbisë, i cili ishte një ultra-nacionalist dhe ish-udhëheqës ‘terrorist’ Hashim Tashi, u përpoq për të arritur këtë. Ata kritikohen nga vendet e tyre, por ata janë dy realistë: Serbia ka nevojë për një marrëveshje me Kosovën që të pranohet në Bashkimin Evropian. Dhe Kosova do ta njoh pavarësinë e saj, ‘de facto’.
Por kjo situatë është një ‘thikë pas shpine’. Kjo krijon një precedent. Nesër, shqiptarët maqedonas do të kërkojnë lidhjen e tyre me Kosovën. Serbët boshnjakë do të duan të varen nga Beogradi, etj, etj. Mozaiku i Ballkanit është një bombë fragmentimi./TIRANA TODAY/
