Në një takim me të rinjtë që votojnë për herë të parë, ish-kryeministri i Shqipërisë, Pandeli Majko, përgëzoi të gjithë ata që do të votojnë në 18 qershor.
Majko, gjatë fjalës së tij ka kritikuar ashpër Partinë Demokratike, për bojkotin që po mundohet t’iu bëjë zgjedhjeve të 18 qershorit.
“Partia Demokratike lindi nga thirrja e të rinjve shqiptarë të viteve 90-të, me sloganin “Ta bëjmë Shqipërinë si gjithë Europa”, mirëpo, sot kjo parti nuk është e njëjta. T’i vijë turp PD-së, që sot është katandisur në këtë gjendje” – tha Majko.
