Dita e sotme ka qenë mjaft e bukur për kapitenin e Kombëtares kuqezi, Ansi Agollin, pasi është bërë baba i një djali. Lajmi ne ka bërë të ditur vetë mbrojtësi tiranas në faqen e tij të Instagramit, ku ka postuar edhe foton e parë më bashkëshorten dhe djalin e sapolindur.
“Mirë se erdhe mes nesh biri im. Mami Rea dhe babi Ansi te duan shumë” – shkruan Agolli në Instagram.
Kapiteni sapo mbylli një tjetër sezon tejet pozitiv në Azerbajxhan me skuadrën e Qarabagut, ku u shpall edhe kampion. Ndërkohë në kombëtare është lënë jashtë në miqësoret e fundit nga trajneri Panucci, por nuk ka ende një lamtumirë, ndaj shpresat janë që të rikthehet sërish.
