Kenny Dalglish, legjenda e Liverpool në vitet ’70-’80, ka rezultuar pozitiv ndaj koronavirus. Lajmin e ka bërë të ditur vetë familja e ish-futbollistit dhe trajnerit të të kuqve, i cili duket se për momentin është në gjendje shumë të mirë shëndetësore pasi nuk po shfaq simptoma.
Kenny u shtrua në spital të mërkurën më 8 prill, për trajtimin e një infeksioni me antibiotikë intravenozë. Sipas procedurave aktuale, më pas iu bënë edhe testet e COVID-19 edhe pse nuk kishte shfaqur simptoma të kësaj sëmundje. Në mënyrë të papritur, rezultatet e provave ishin pozitive, por ai mbetet asimptomatik”, shkruante mesazhi që familja shpërndau për situatën legjendën e klubit anglez.
Familja bëri gjithashtu të ditur se ai do të izolohej në shtëpi, sipas procedurave të kërkuara nga autoritetet shëndetësore, për t’u siguruar se nuk do të infektonte të tjerë, edhe pse nuk shfaqte simptomat e këtij virusi të rrezikshëm.
