Një situatë kaotike është raportuar nga Borshi, ku mësohet se pasditen e sotme janë sulmuar një grup turistësh spanjollë. Këta të fundit janë dhunuar nga pronarët e një lokali, pas një konflikti i cili kishte nisur pasi turistët ishin të pakënaqur me shërbimin e ofruar.
Pesë turistë spanjollë, të cilët kishin ardhur për pushime me jaht në Borsh, janë sulmuar nga disa persona, që pretendohet se janë pronarët e një lokali. Turistëve nuk i ka pëlqyer shërbimi në lokal, dhe kanë tentuar të largohen. Fugoni i turistëve është ndjekur nga pronarët e lokalit, të cilët kanë goditur me grushte turistët dhe drejtuesin e mjetit.
Më pas kanë nxjerrë armë të ftohta dhe kanë tentuar t’i godasin. Ata kanë thyer xhamin e furgonit, i cili ka tentuar të largohet nga vendi i ngjarjes.
Fugoni ka arritur të largohet deri në vendin e quajtur Volloder, ku është pikasur nga një fugon i FNSH, i cili ka dhënë ndihmën e parë.
Forca të shumta të policisë së Himarës, Sarandës dhe FNSH janë vënë në ndjekje të autorëve.
Në fugon ishin pesë spanjollë, shoferi dhe shoqëruesi nga Saranda. Ata kishin ardhur me jaht në Sarandë.
