Mëngjesin e sotëm, anija “Oriku” e Forcave tona Detare ka identifikuar një gomone me emigrantë në bord. Kjo e fundit ishte nisur nga brigjet e Turqisë drejt brigjeve greke.
Pas identifikimit të gomones, anija “Oriku” ka njoftuar anijen flamurtare “RB”, dhe “Frontex”.
Pas kësaj, anija ka shkuar në rajonin ku ndodhej gomonia, së cilës i ka ofruar ndihmë deri në mbërritjen e anijes “MAI 1102 FRONTEX” dhe “RB” turke.
Mësohet se në orën 08:37, gomonia është marrë në dorëzim nga anija e Frontex “MAI 1102”, e cila kreu operacionin e imbarkimit të personave në të.
Në përfundim të operacionit, u verifikua se në bordin e gomones ishin 51 persona, nga të cilët, 17 gra, 12 fëmijë dhe 22 burra.
Pjesëtarët e gomones ishin të gjithë me kombësi siriane.
