Besnik Mujeci, anëtar i Vetëvendosjes është në mesin e të arrestuarve në Tiranë, të cilët u kapën në sajë të operacionit të koduar “Punisher 2”, për trafikim të lëndëve narkotike nga Kosova drejt Shqipërisë.
Pas kësaj ka ardhur dhe reagimi nga Lëvizja Vetëvendosje, e cila po zhvillon një mbledhje urgjente. Zëdhënësi Arlind Manxhuka u shpreh se do të dalin me vendim sapo të përfundojë mbledhja.
“Me të marrë informacionin kemi iniciuar menjëherë procedurën disiplinore me ç’rast Komisioni Disiplinor i LV-së do të mbajë mbledhje urgjente për të trajtuar rastin në fjalë. Pas mbledhjes do t’ju njoftojmë mbi vendimin”, ka thënë ai për mediet në Kosovë.
