Carlo Ancelotti u tregua i qartë ditën e sotme para medieve, ai konfirmoi se nuk do të jetë trajner i ndonjë ekipi në 10 muajt e ardhshëm. Ai u shkarkua një javë më parë nga pankina e Bayern Munich.
Trajneri italian ishte cilësuar si një objektiv i mundshëm për Milanin, Chelsean, Romën apo edhe skuadrën e kombëtares së Italisë pas shkarkimit të tij nga detyra e trajnerit të Bavarezëve.
Megjithatë, Ancelotti e ka mohuar këtë mundësi duke theksuar se ai do të pushoj për këta 10 muaj të mbetur të këtij sezoni.
“Unë do të pushoj në 10 muajt e ardhshëm, kështu që nuk ka skuadra të tjera për këtë sezon”, ka thënë Ancelotti për gazetarët kur arriti në Jeruzalem për një ndeshje bamirësie.
Ai u pyet për arsyet e shkarkimit të tij në Bayern Munich, në mes të raporteve që lojtarët e mëdhenj u kthyen kundër tij.
“Është më mirë të qëndrosh i qetë lidhje me këtë…”, ishte i shkurt italiani.
Këto deklarata të trajneri italian erdhën gjatë aktivitetit “Ndihmo për paqe”, ku po luajnë lojtarë të rinj me prejardhje të krishterë, myslimane dhe hebraike.
“Jam shumë i lumtur që jam këtu. Është një takim që unë absolutisht dëshiroja ta ruaj. Fëmijët janë e ardhmja jonë”, përfundoi ish-trajneri i Milanit.
