Organizata për të drejtat e njeriut Amnesty International (AI) ka fajësuar Bashkimin Europian për numrin e madh të vdekjeve të refugjatëve në Detin Mesdhe.
Në një raport të publikuar sot, Amnesty International fajëson politikat e BE-së dhe marrëveshjet cinike me Libinë, të cilat kanë bërë që mijëra njerëz të përballen me rrezikun e mbytjes, përdhunimit dhe torturës.
“BE ka mbyllur njërin sy ndaj abuzimeve në qendrat e paraburgimit në Libi, ndërsa shpëtimin e emigrantëve e ka lënë në duart e organizatave bamirëse”, shkruhet ndër të tjera në raport, ku theksohet se mbi 2.000 njerëz kanë vdekur vetëm në 2017-ën në përpjekje për të mbërritur në Evropë.
“Nëse gjysma e dytë e këtij viti vazhdon si e para dhe nëse nuk ndërmerren veprime urgjente, 2017-ta mund të bëhet viti më vdekjeprurës në rrugën më vdekjeprurëse të emigrantëve në botë”, tha drejtori për Evropën i Amnesty International, John Dalhuisen.
