Ish-presidenti i klubit të Barcelonës, Sandro Rosell, u arrestua nga policia spanjolle. Ai po gjykohej për çështjen Neymar, por para se gjykata të jepte verdiktin e saj ai është arrestuar për një tjetër çështje. Policia spanjolle ka vënë në pranga Rosell me akuzën e pastrimit të parave dhe fshehjes së fondeve, raporton “Marca”.
SHBA-të kërkuan arrestimin e Sandro Rosell, emri i të cilit është i përfshirë në hetimin rreth Rikardo Teikseiras, ish-presidentit të Federatës Braziliane të Futbollit.
Sipas medieve të këtij vendi, Rosell u arrestua së bashku me 4 persona të tjerë në kuadër të operacionit me emrin e koduar “Rimet” ndërsa akuzohet për pastrim parash në shumën 35 milion euro.
