Lindshmëria në SHBA ka rënë në nivelin më të ulët të 30 viteve të fundit. Sipas raportit të Qendrës Kombëtare e Statistikave të Shëndetit të SHBA-ve, në vitin 2017 në vend janë lindur 3.85 milionë foshnjë dhe se kjo është shifra më e ulët që nga viti 1987.
Në raport është bërë të ditur se numri i grave të reja që lindin në vitin 2017 është zvogëluar, ndërsa rritje kanë shënuar gratë e moshës 40-44.
Donna Strobino nga Universiteti Johns Hopkins, në deklaratën e saj tha se gratë për shkak të karrierës së tyre janë duke e shtyrë amësinë, shkruan aa.
“Gratë tani janë më të edukuar dhe në jetën e biznesit marrin më shumë pjesë. Shkojnë pas karrierave të tyre dhe prandaj e shtyjnë amësinë”, tha Strobino.
