Ambasadorja gjermane, Susanne Schutz, ka apeluar nga Vlora që opozita të ndërpresë bojkotin dhe t’i kthehet jetës parlamentare për të votuar reformat.
“I bëj thirrje opozitës të rikthehet në parlament dhe të votojë reformat. Kushtetuta përcakton rregullat, subjektet politike vendosin në bazë të saj. Partitë t’i referohen kushtetutës, në zgjedhje hyn çdo parti. Opozita të hyjë në zgjedhje dhe të marrë vendime mbi reformat”, ka thënë Susanne Schutz.
