Kim In Ryong, ambasador i përhershëm i Koresë së Veriut në Kombet e Bashkuara, theksoi se rritja e tensioneve po destabilizon rajonin dhe paralajmëroi se në çdo kohë mund të shpërthejë “luftë termobërthamore”.
Ryong akuzoi SHBA-të se po shkaktojnë një situatë të rrezikshme në Gadishullin korean, ndërsa shtoi se ata do rezistojnë me çdo mënyrë.
“Ne në të gjitha mënyrat mund t’i rezistojmë SHBA-së. Koreja e Veriut është e gatshme t’i përgjigjet çdo lloj lufte të cilën e zgjedh SHBA-ja”, u shpreh Kim In Ryong.
Ky paralajmërim vjen pas deklaratës së fortë të zv/presidentit të SHBA-ve, Mike Pence, se ka përfunduar periudha e “durimit amerikan”.
