Ambasada amerikane në Tiranë ka dhënë një njoftim të rëndësishëm për të gjithë ata që po aplikojnë për vizë në SHBA. Në një njoftim në Facebook, teksa uron Ditën e Verës, ambasada njofton të gjithë aplikuesit që të paraqiten vetëm 10-15 minuta përpara orarit të caktuar.
Në të kundërt, nëse po udhëtoni jashtë qytetit, ambasada sugjeron që të shijoni një kafe e më pas të paraqiteni në orar te ambasada. Duket se paraqitja herët e aplikuesve për vizë ka shkaktuar radhë të gjata në ambasadë, duke detyruar këtë të fundit të japë njoftimin si më poshtë:
“Gëzuar Ditën e Verës! A e dini se duhet të paraqiteni në Ambasadë vetëm 10-15 minuta përpara kohës së caktuar për vizë? Nuk ka nevojë që të vini me orë përpara, apo të prisni në radhë jashtë murit të Ambasadës. Nëse po udhëtoni nga jashtë qytetit dhe jeni herët për takimin tuaj, shkoni në një kafene dhe shijoni një kafe. #PyetAnën”
