Ambasada amerikane ka dhënë një njoftim të rëndësishëm lidhur me vizat. Në një postim në faqen e saj në Facebook, sqarohet se vizat turistike duhet të përdoren vetëm për udhëtime të shkurtra. Më tej, ambasada thekson se këto viza nuk janë për të punuar, ndjekur shkollën apo për të jetuar në SHBA.
“Vizat turistike duhet të përdoren për udhëtime të shkurtra në Shtetet e Bashkuara – si vizitat tek familjarët apo turizëm. Kjo kategori vize nuk është për të punuar, ndjekur shkollën apo për të jetuar në Shtetet e Bashkuara. Sigurohuni që jeni duke ndjekur rregullat e vizës kur jeni duke udhëtuar në SHBA!”, shkruhet në njoftim.
