Të gjitha stacionet televizive në Tiranë dhe Durrës do të nisin transmetimet digjitale pas datës 30 qershor 2017.
Autoriteti i Mediave Audiovizive (AMA) ka bërë të ditur se ky ndryshim do të bëhet konformë ligjit “Për mediat audiovizive në Republikën e Shqipërisë”, i ndryshuar dhe Strategjisë për Kalimin nga Transmetimet Analoge në Transmetimet Numerike.
Gjithashtu, AMA tërheq vëmendjen të gjithë subjekteve audiovizivë që ushtrojnë veprimtari televizive analoge, të marrin masat për të mbështetur programin e tyre në rrjetin numerik të RTSH ose në njërin prej rrjeteve numerike kombëtare të licencuara nga AMA.
Nga ana tjetër, AMA kërkon nga publiku i cili përfiton transmetimet televizive nëpërmjet teknologjisë analoge, të pajiset me marrës digjital (dekoderë të tipit DVB-T2) , pasi në të
kundërt, mbas datës 30.06.2017, nuk do të mund të shohë më transmetime televizive”, thuhet në njoftimin e AMA-s.
