Një skuadër kërkimi në Himalajet indiane ka zbuluar pesë trupa në një zonë të paidentifikuar, ku tetë alpinistë besohet të jenë zhdukur një javë më parë.
Magjistrati i Qarkut Pithoragarh, Vijay Kumar Jogdande i tha CNN të hënën se trupat duket se janë varrosur nga një ortek në lokacione të ndryshme. Autoritetet po ndërtojnë një plan për të rimarrë trupat.
Të dielën, ekipet e helikopterëve panë shenja të një orteku në pozicionin ku grupi mendohej të ishte, sipas dy zyrtarëve shtetërorë. Të hënën, një helikopter i vetëm shkoi për të kontrolluar zonën dhe ekuipazhi i saj zbuloi çantën e shpinës në një lartësi prej rreth 5.000 metrash.
Jogdande tha se ka të ngjarë që ekipi i humbur të ishte kapur në një “ortek të madh”.
“Shanset e mbijetesës janë pothuajse zero tani”, deklaroi ai.
Alpinistët e zhdukur – katër britanikë, dy amerikanë, një oficer ndërlidhës australian dhe një indian u zhdukën në rajonin e Nanda Devi East, një nga majat më të larta në Indi, pak më shumë se 7,400 metra.
Grupi po përpiqej të ngjiste një kulm të pakontrolluar dhe të paidentifikuar më parë që besohet të jetë rreth 6,477 metra i lartë. Alarmi u ngrit disa ditë pasi ata nuk arritën të ktheheshin në kamp.
Tetë alpinistët nuk kishin leje për të ngjitur zonën e paidentifikuar, thanë autoritetet indiane të hënën.
Jogdande tha se shiu i fortë dhe erërat e forta në zonë kishin penguar përpjekjet e kërkimit.
