Forma e dobët e Dybala në javët e fundit ka pasur ndikim negativ edhe tek ekipi i Juventusit. Tekniku i bardhezinjve Maximiliano Allegri ka pohuar se Paulo Dybala pësoi atë rënie drastike nga krahasimet që i bënë kohët e fundit me yllin argjentinas, Lionel Messin. Kjo situatë ka bërë që ylli i Juventus të qëndrojë për disa javë rresht në stol.
“Krahasimi që ia bënë më herët këtë sezon ishte i dëmshëm për të”, ka thënë Allegri në konferencën për media të mbajtur sot.
“Fatmirësisht, ai është djalosh i mençur dhe e ka kuptuar këtë. Nuk mund ta krahasosh atë me të shenjtët e futbollit. Ata dy (Ronaldo dhe Messi) i kanë fituar 10 Topa të Artë mes vete, dhe Neymar është pranë nivelit të tyre. Paulo është ndryshe nga të tjerët, por këto krahasime e kanë dëmtuar. Nuk mund t’i bësh ato, sepse ai është 24-vjeçar dhe të tjerët i kanë fituar 10 topa të Artë”, ka shpjeguar ai.
