Alfa Romeo kthehet në Formula 1 pas 32 vjetësh në sajë të një marrëveshjeje me ekipin Sauber. Ekipi zviceran njoftoi se ka nënshkrua me kompaninë italiane të automobilave, e cila është pjesë e grupit Fiat Chrysler Automobiles. Alfa Romeo do të jetë “sponsor i titullit” i Sauber duke filluar nga 2018, por marrëveshja gjithashtu përfshin bashkëpunimin strategjik, komercial dhe teknologjik. Prej vitit të ardhshëm, ekipi do të quhet Alfa Romeo Sauber F1 Team. Makina do të jetë e pajisur me motorët e Ferrari 2018.
“Marrëveshja në me ekipin Sauber është një hap i rëndësishëm në ristrukturimin e markës Alfa Romeo, e cila do të kthehet në Formula 1 pas një mungese prej mbi 30 vjetësh” – tha Sergio Marchionne, CEO i FCA dhe presidenti i Ferrarit. Alfa Romeo kontribuoi në historinë e këtij sporti dhe tani mund të përfitojë nga ndarja e teknologjisë dhe njohuria strategjike me një partner të padiskutueshëm të përvojës si Sauber. Inxhinierët e Sauber dhe inxhinierët e Alfa Romeo që kanë demonstruar tashmë aftësinë e tyre me modele Giulia dhe Stelvio të nisur kohët e fundit do të ndajnë përvojën mes tyre dhe në të njëjtën kohë admiruesit e Alfa Romeo do të kenë mundësinë të mbështesin një prodhues të makinave, të vendosur për të shkruar një kapitull të ri emocionues në historinë e tij të sportit”.
“Ne jemi krenar që një kompani e njohur ndërkombëtarisht si Alfa Romeo ka zgjedhur të punojë me ne për kthimin e saj në Formula 1”, ky është komenti i Pascal Picci, kryetari Sauber Holding AG. Për Grupin Sauber është një mrekulli mundësia për të zhvilluar më tej projekte teknologjike. Ne jemi të bindur se së bashku do ta sjellim ekipin nw nivele tw larta,” përfundon ai.
