Deputeti i Vetëvendosjes, Albin Kurti, para deputetëve të Kuvendit të Kosovës tha se politika e biznesi po bashkëveprojnë me njëra-tjetrën në dëm të vendit.
Kurti tha se qeveria e sotme, sikurse edhe çdo tjetër para saj, është në shërbim të biznesmenëve, ndërsa, sipas tij, qytetarëve të Kosovës u nevojitet një qeverisje e re me shtet zhvillimor, ku qeveria është e afërt me biznesin e vogël dhe të mesëm në përgjithësi, por jo tepër e afërt me tajkunët e monopoleve.
“Kosova është shtet i kapur jo vetëm pse është polici e kapur, gjyqësi e kapur, prokurori e kapur, RTK e kapur, shëndetësi e kapur, arsim i kapur, por edhe ekonomia është kapur”, u shpreh Kurti.
