Për çiftin e famshëm Alban Skënderaj dhe Miriam Cani , Ameli është bota e tyre. I ftuar mëngjesin e sotëm në “Wake Up” në Top Channel, Alban Skënderaj ka rrëfyer se kur mori vesh që Miriami ishte shtatzënë kishte dëshirë që bebi të ishte djalë.
“Në fillim e kisha kegon e mashkullit doja me patjetër çun. Do ta mbaja me vete, do ta çoja në kurs në futboll. Por për ne njerëzit e artit, vajza të shkrin fare, prandaj bëhuni gati”,-është shprehur Albani.
Kantautori ka vijuar më tej duke treguar se ai me Miriamin shpesh herë debatojnë me njëri-tjetrin, për shkak të vajzës.
“Kur vjen në jetë një fëmijë qendra e debatit është ajo. Unë sidoqoftë jam në minorancë dhe duhet ta mbyll gojën”,-është shprehur Albani.
