“Kryeministri i Kosovës, Ramush Haradinaj po kërkon ta falimentojë Serbinë me planet e tij për rikuperimin e dëmeve të luftës”, kështu shkruajnë mediat serbe, teksa japin alarmin se qeveria kosovare kërkon 22 miliardë euro nga Serbia.
Mediat raportojnë se këtë e dëshmon sipas tyre, Marrëveshja Gjithëpërfshirëse që u bë e njohur pak ditë më parë dhe që në përmban në fakt dëshira të palogjikshme dhe të çmendura.
“Plani me 30 faqe, me një preambulë dhe 16 kapituj është një mënyrë ekstreme që ka për synim vetëm një gjë: për ta detyruar Serbinë të pranojë poshtërimin dhe kapitullimin.
Ai jo vetëm që nuk afron asgjë për serbët në Kosovë, por kërkon që Serbia ta njohë Kosovën pa kushte dhe ta lejojë anëtarësimin e saj në OKB dhe gjithë organizatat ndërkombëtare.
Në “listën” që ka paraqitur Haradinaj për kompensimin e dëmeve të luftës, kërkohen pensionet e papaguara për shtetasit e Kosovës, kthimi i parave të tyre në dinarë apo monedha të huaja që ishin në bankat e ish-Jugosllavisë, kërkohen kompensime për shtresat sociale, shtesat për fëmijët, për transmetimin e energjisë elektrike”, shkruan BLIC.
Sipas mediave serbe, për kompensimet e dëmeve të luftës nevojiten 22 miliardë euro e pakta, vetëm për dëmet që Kosova pësoi nga viti 1989 deri në 1999-ën.
