Nënkryetari i Partisë Demokratike, deputeti Edi Paloka ka akuzuar kryeministrin Edi Rama se po i jep naftën shqiptare firmës ruso-serbe të Putinit dhe detin me gjithë zonën naftëmbajtëse Greqisë.
Opozita ka akuzuar qeverinë se po shet pasuritë e shqiptarëve. Përmes nënkryetarit të Partisë Demokratike, Edi Paloka, selia blu ka bërë përgjegjës vetë kryeministrin Rama.
Përmes një postimi në Facebook, Paloka shkruan se kreu i qeverisë naftën po ia jep rusëve, detin grekëve dhe vendin po e mbush me mbush me afrikanë. Për këtë arsye ai bën thirrje që të shqiptarët të hapin sytë përballë këtij fenomeni sa nuk është vonë.
“I jep naftën shqiptare, firmës ruso-serbe të Putinit, pasi ka akuzuar PD si të lidhur me rusët dhe ju ka vënë trarin me pagesë kosovarëve.
I jep detin me gjithë zonën naftëmbajtëse Greqisë, pasi ka eliminuar krejtësisht Gjykatën Kushtetuese (kështu askush nuk e pengon zbatimin e marrëveshjes që ka bërë).
Vetëofrohet për të kthyer vendin në një kamp të madh refugjatësh nga Siria dhe Afrika ndërkohë që ka çuar refugjatë 400 mijë shqiptarë.
Shqipëria është damkosur si ishulli i krimit në Evropë, ky akuzon opozitën se pengon integrimin pasi ka mbrojtur Tahirin e vazhdon të mbajë Xhafajn ministër të Brendshëm. E ndërkohë shqiptarët vazhdojnë të vriten e vetëvriten.
Çfarë Hamzai?! Çfarë Esat Pashe?! Ky është Edvin Rama. Hapni sytë sa nuk është vonë, nga Prishtina në Tiranë”, shkruan Paloka.
