Autoriteti Kombëtar i Ushqimit (AKU) ka njoftuar qytetarët se nuk duhet të konsumojnë produktin patatina misri “Natural Organic Tortilla Chips 125 g”. AKU sqaron se pas analizave laboratorike të kryera në Gjermani, është konstatuar prani e alkaloidëve atropinë dhe skopolaminë në këto patatina. Autoriteti Kombëtar i Ushqimit sqaron qytetarët se ka ndërmarrë të gjitha masat e nevojshme për bllokimin e produktit. Konsumatorët duhet të jenë të kujdesshëm, që të mos e konsumojnë.
Njoftim
Referuar njoftimit të ardhur nga sistemi RASFF, ku pas analizave laboratorike të kryera në Gjermani është konstatuar prani e alkaloidëve atropinë dhe skopolaminë në patatina misri “Natural Organic Tortilla Chips 125 g”.
Autoriteti Kombëtar i Ushqimit ka ndërmarrë të gjitha masat e nevojshme për bllokimin e produktit. Në bashkëpunim edhe me operatorët e biznesit ushqimor, janë kryer njoftimet paraprake për thirrjen për konsumatorët që e kanë blerë këtë produkt që të mos e konsumojnë atë, por ta kthejnë pranë subjektit, ku e kanë blerë.
