Real Madrid është mposhtur në mënyrë befasuese të martën në mbrëmje në Moskë nga CSKA në ndeshjen e vlefshme për raundin e dytë në Champions League. Prej tre ndeshjes madrilenët nuk arrijnë të shënojnë gol dhe kjo ka krijuar një ambient aspak të qetë. Ishte portieri Keylor Navas, i cili pas ndeshjes është shprehur se madrilenëve u mungon Cristiano Ronaldo.
“Cristiano ka vendosur standard shumë të lartë në Real Madrid. Nuk mund ta mbulosh diellin më një gisht”, është shprehur Navasi pas disfatës që pësoi skuadra e tij. “Ai shënoi shumë gola gjatë kohës kur ishte këtu, por tanimë kjo është në të kaluarën dhe ne nuk mund të vazhdojmë të jetojmë në të kaluarën”.
Ndërsa Luka Modric tregoi një praakenë aspak të këndshme, ku u shpreh se atmosfera në dhomat e zhveshjes nuk është aspa e mirë: “Nuk prisnim që të humbnim pikë në Rusi. Është e qartë që ambienti në dhomat e zhveshjes nuk ishte i mirë. Duhet të ngremë kokën dhe të përpiqemi që ta zgjidhim këtë gjë sa më parë. Sot dhe ndaj Sevilla nuk ishim në nivelin e duhur. Është shqetësues fakti që nuk kemi shënuar gol në 3 ndeshjet e fundit”, u shpreh kroati. Kur u pyet pse nuk po shënon më Reali, Modric tha: “Kemi pasur mundësi shënimi, por topi nuk hyn, ky është futbolli. Do të gjejmë zgjidhje”.
Ronaldo u transferua në Juventus në korrik për 112 milionë euro, pasi kishte shënuar një numër të jashtëzakonshëm të golave, si 44 gjatë sezonit të kaluar. Përkundër që iu largua një golashënues i tillë, Real Madridi nuk e vlerësuan të nevojshme ta zëvendësojnë atë me një sulmues tjetër. Mungesa e golave të shënuara nga Ronaldo tani është e vërejtshme, pasi që është hera e parë që nga viti 2007 që Real Madridi nuk ka arritur të shënojë asnjë gol në tri ndeshje radhazi.
