Bashkimi Evropian planifikon që deri në vitin 2025 çdo qytetar nuk do të shpenzojë më shumë se 40 qese plastike në vit, një lëvizje kjo e madhe që të gjithë duhet të ndjekin nëse duan të ruajnë ambientin në Tokë.
Irlanda ishte e para në Evropë që vendosi një taksë të veçantë në qese plastike në 2002, falë të cilave konsumi i tyre ka rënë 90 për qind.
Sipas studimit të Kombeve të Bashkuara, rreth 5 miliardë qese plastike përdoren në vit, dhe shumica dërmuese mbaron në det.
Ekspertët kanë frikë se deri në vitin 2050 do të ketë më shumë plastikë se peshq në det.
Një person mesatar përdorë rreth 1000 qese plastike në vit. Një qese përdoret mesatarisht për 12 minuta dhe nevojiten 1000 vjet për shkatërrimin e saj, pasi është e prodhuar nga derivatet e naftës të polietilenit.
Më shumë se një milion zogj dhe rreth 100,000 gjitarë detarë vdesin çdo vit për shkak të qeseve plastike që hanë ose kontraktojnë në to.
Sipas disa parashikimeve, 85 për qind e të gjitha breshkave të detit do të lëndohen ose do të ngordhin për shkak të plastikës. India është fajtore për 60 për qind të plastikës që përfundon në det dhe oqeane çdo vit.
Në mes të Oqeanit Atlantik, midis Virxhinisë dhe Kubës ndodhet zona Patch Great Garbage Atlantik, e mbuluar me rreth 26 milionë copë plastike për kilometër katror, shkruan kp.
Disa kompani tregtare shpenzojnë më shumë se 4 milionë dollarë në qese plastike në vit.
Në botë, vetëm rreth 1 për qind e qeseve plastike riciklohen, kështu pyesni veten – ku shkon çdo gjë tjetër? Ju e dini përgjigjen, në natyrë. Kur digjen katër qese, oksigjeni konsumohet për aq kohë sa merr një person për tërë ditën.
